Policia e Pogradecit ka nisur hetim në gjende të lirë për dy persona, njëri prej të cilëve është specialsit i pyjeve.
Sipas policisë A.M., specialist i mbrojtjes së pyjeve në Bashkinë Pogradec procedohet penalisht pasi kishte dijeni se E.B., nga Çezma e Vogël kishte prerë pyjet në mënyrë të paligjshme. Ndaj zyrtarit rëndon akuza e shpërdorimit të detyrës.
NJOFTIMI
Pogradec
Procedohen penalisht dy shtetas, njëri prej të cilëve për veprën penale “Prerja e paligjshme e pyjeve” dhe shtetasi tjetër, specialist i mbrojtjes së pyjeve në Bashki, për “Shpërdorim detyre”.
Specialistët e Seksionit për Krimet në Komisariatin e Policisë Pogradec, në vijim të punës për vënien përpara përgjegjësisë ligjore të personave që kryejnë prerje të paligjshme të pyjeve, filluan procedimin penal në gjendje të lirë ndaj shtetasve:
• E.B, banues në fshatin Çezmë e Vogël.
• A.M, banues në fshatin Trebinjë, me detyrë Specialist i mbrojtjes së pyjeve në Bashkinë Pogradec.
Ditën e djeshme, shtetasi E.B, është kapur në pyllin e fshatit Zëmçë, duke prerë dru pa lejen përkatëse, ndërsa shtetasi A.M, dyshohet të ketë shpërdoruar detyrën pasi nuk ka marrë masat e duhura, edhe pse ka patur dijeni për rastin.
Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme.