Në Forumin Botëror Ekonomik në Davos, ish-sekretari amerikan i Shtetit, Henry Kissinger tha se pushtimi rus tregon se nuk ka më arsye që Ukraina të mbahet jashtë NATO-s. Dikur ai kundërshtonte këtë aspiratë të Kievit.
Për të anëtarësimi i Ukrainës në NATO do të ishte rezultati i duhur. Prej disa muajsh, Kissinger ka qenë për një armëpushim në luftën në Ukrainë, që në fakt do të pranonte disa nga fitoret ushtarake të Rusisë.
“Para luftës, unë kam kundërshtuar anëtarësimin e Ukrainës në NATO sepse kam pasur frikë se një gjë e tillë do të niste pikërisht këtë proces që tani ne po shohim. Tani që ky proces ka arritur në këtë nivel, ideja e një Ukraine neutrale nën këto kushte nuk ka më kuptim”, shtoi ai.