Kreu i Bashkisë së Tiranës, Erion Veliaj, i pyetur nëse ka mbështetjen e kryeministrit Edi Rama në “betejën” e tij kundër kreut të FSHF, Armand Dukës, u shpreh se kjo nuk është një ‘betejë’ kombëtare.
Veliaj theksoi se kjo është beteja e tij dhe se as nuk i ka kërkuar ndihmë Ramës.
“Kjo nuk është betejë kombëtare. Edi Rama ka qenë njeriu më i interesuar që të ketë ‘fair play’ në të gjitha. Lufta për të dobëtin dhe dhënia e shansit kujtdo për të patur suksese në jetë janë parime të pamohueshme të Edi Ramës. Kjo është beteja ime. As nuk i kam kërkuar ndihmë Edi Ramës”, tha Veliaj.