Një debat për rrugën ku duhet të kalojnë për pak sa nuk ka përfunduar në tragjedi. Një 62-vjeçar nga fshati Kasaj i Tropojës, ka kanosur me armë zjarri kushëririn e tij 57-vjeçar.
Burime bëjnë të ditur për tirananews.al se shkaku ka qenë një rrugë dhe herë pas here ka pasur debat mes tyre. Ndaj 62-vjeçarit tashmë rëndon akuza e kanosjes dhe ndërkohë po punohet për të gjetur armën me të cilin kanosi kushëririn e tij.
NJOFTIMI I POLICISE
Tropojë/ Kanos me armë zjarri kushëririn, arrestohet në flagrancë nga policia.
Specialistët e Seksionit për Hetimin e Krimit në Komisariatin e Policisë Tropojë, arrestuan në flagrancë shtetasin Z.A., 62 vjeç, banues në fshatin Kasaj, Tropojë.
Arrestimi i tij u bë pasi, në fshatin Kasaj, për motive të dobëta ka kanosur me armë zjarri kushëririn, shtetasin R.A., 57 vjeç, banues në fshatin Kasaj, Tropojë.
Vijon puna për dokumentimin e plotë të ngjarjes dhe gjetjen e armës.
Materialet i kaluan Prokurorisë Pranë Gjykatës së Rrethit Gjyqësor Tropojë, për veprat penale “Kanosja” dhe “Prodhimi dhe mbajtja pa leje e armëve luftarake dhe e municionit”.