Ekziston një vend pune në Zelandën e Re e cila ofron 84,000 euro të ardhura në vit, por asnjë person nuk është i interesuar për të aplikuar.
Mund të duket sikur ka ndonjë gjë që nuk shkon duke qenë se njerëzit nuk janë të interesuar, pasi veç pagës së mirë punohet katër ditë të javës, por mesa duket puna është tërësisht e pranueshme.
Kompania e kontrollit të trafikut ajror atje, është në kërkim të kontrolluesve të trafikut, të cilët kanë si detyrë kryesore të mbajnë aeroplanët të ndarë nga njëri-tjetri, qoftë në ajër apo në tokë.
Kërkesat për aplikim janë shumë minimale; vetëm duhet të keni kaluar provimet e të mesmes dhe të jeni mbi moshën 20-vjeç.
Rroga fillimisht nis me 84,000 euro në vit. Mirëpo me kalimin e kohës, të punësuarit mund të fitojnë edhe 180,000 euro në vit për pozicionin që do të mbajnë.
Secilit prej nesh do t’i shkonte në mend se oraret janë të zgjatura por nuk është e vërtetë. Kjo, pasi punonjësit për këtë punë punojnë kryesisht me turne që zgjasin 7.5 orë në katër ditë të javës.
Menaxheri Tim Boyle shpjegoi se deri më tani janë më shumë se 10 kontrollues trafiku, por nuk ka aplikues të mjaftueshëm.
Ai thekson se mungesa e stafit është arsyeja sepse njerëzit nuk duan të punojnë në aeroportet e Zelandës së Re. Ata që janë në punë duhet të punojnë edhe për ata të cilët largohen.