Molloul Fatah është algjeriani që vrau 23-vjeçarin shqiptar Klajdi Bitri në Itali. Ai ka deklaruar para hetuesve se e ka qëlluar Klajdin për vetëmbrojtje. Ai ka thënë se nuk ka qëlluar për ta vrarë e madje nuk e ka kuptuar se e ka vrarë. Ai ka marrë armën me shtizë vetëm për tu mbrojtur dhe plagosja aksidentale ka qenë fatale.
Pasi e ka goditur ka nxjerrë shtizën nga gjoksi dhe është larguar. Nëse algjeriani ishte në dijeni të krimit, ajo që ndodhi menjëherë më pas është edhe më e habitshme. Ai ka shkuar në plazh me të fejuarën e tij.
Thirrja prekëse e një babai që ka humbur djalin, është dëgjuar nga ministri i Brendshëm, Taulant Balla. Ai ka kontaktuar me të atin e Klajdi Bitrit, dhe më pas është mundësuar nxjerrjen e menjëhershme të pasaportës së tij për të udhëtuar drejt shteti fqinj.
Po ashtu është bërë e mundur edhe gjetja e një agjensie funerale e cila do të sjellë trupin e të riut nga Italia. Sakaq, shpenzimet do të mbulohen nga Bashkia e Lushnjes.