Sportistja Klodiana Shala, teksa fliste për 8 marsin dhe peripecitë që duhet të kalojë një grua në mjedise të ndryshme, u shpreh se në Shqipëri kërkojnë favore seksuale pavarësisht CV-së që ke.
Sipas saj, në shumicën e rasteve kur hyn në një punë, CV-ja nuk kërkohet dhe nuk merret për bazë.
“Imazhi që mund të ketë te të tjerët mund të jetë i lidhur dhe me kompromiset që janë bërë. Në Shqipëri mund të ndodhë që ti hyn në punë dhe CV-në nuk e marrin në fillim, që CV-ja është gjëja kryesore dhe ty nuk ta marrin. Ta marrin CV-në pas një viti. Që këtu fillojnë mundësitë për ngacmim”, u shpreh Shala.