Është ndarë sot nga jeta për shkak të Covid-19, ish trajneri i skuadrës së Burrelit Qiriako Kola. Bashkia Mat dhe Zyra Vendore e Arsimit dhanë lajmin e hidhur duke e vlerësuar Kolën si një mësues, futbollist dhe trajner model i skuadrës së Burrelit.
Qiriako Kola punoi për edukimin e brezit të ri, në fushën e edukimit shkencor dhe atë të kulturës në sport. Kola punoi për shumë vite në gjimnazin “Pjetër Budi” Burrel, si profesor i lëndës së matematikës.
Ai ishte profesionist dhe në fushën e futbollit, si lojtar por dhe si trajner me ekipin “31 Korriku”. Falë edhe kontributit të tij skuadra e Burrelit u ngjit vit pas vite në kategori më lart.
Bashkia Mat, i shprehu ngushëllime familjes dhe miqve për këtë humbje të madhe. “U prehsh në paqe i nderuar profesor!”, thuhet në postimin e faqes zyrtare të kësaj bashkie.