Policia e Tiranës ka arrestuar dy persona, pasi gjatë një kontrolli në lokalin që ndodhet në rrugën “Sulejman Delvina”, u gjetën dhe u sekuestruan sasi të vogla lëndësh të dyshuara narkotike kokainë dhe heroinë, si dhe mjete që shërbejnë për konsumimin e lëndëve narkotike.
Në pranga ranë E. V., 27 vjeç, menaxheri i lokalit dhe klienti A.R., 37 vjeç. Ata u arrestuan për veprat penale “Përshtatja e lokalit për përdorim droge” dhe “Prodhimi dhe shitja e narkotikëve”.
U shpall në kërkim pronari i lokalit, I. Ç., 48 vjeç.
Gjithashtu, u procedua penalisht në gjendje të lirë I. N., 27 vjeç, banues në Tiranë, për veprën penale “Moskallëzimi i krimit”.