Komisioneri gjerman Burkhard Blienert: E vetmja mënyrë për të luftuar krimizalizimin është legalizimi i drogërave të lehta si kanabisi

Burkhard Blienert, Komisioneri gjerman për drogërat dhe varësinë deklaroi nga Vlora se e vetmja mënyrë për të luftuar krimizalizimin është legalizimi i drogërave të lehta si kanabisi.
Në një bashkëbisedim me të rinjtë eurosocialistë, Burkhard Blienert thekson se koha ka treguar se trajtimi që i është bërë deri më tani këtij fenomeni nuk po funksionon në botë.
“Ajo çfarë është vërtet e rëndësishme është që të fokusohemi në luftën ndaj varësisë dhe ne duhet të fokusohemi tek këta njerëz. Një nga aspektet më të rëndësishme është që ne nuk mund të vijojmë me kriminalizimin e përdorimit të drogës. Kështu që ne kemi nevojë të legalizojmë drogëra të tilla si p.sh kanabisi sepse mënyra se si ne po e trajtojmë përmes kriminalizimit të saj nuk po funksionon.
Problem i drogës është një problem ndërkombëtar dhe ne të gjithë bahskë duhet të fokusohemi në të”, theksoi Komisioneri gjerman për drogërat dhe varësinë, Burkhard Blienert.