Komiteti i Ekspertëve ka vendosur karantinë dyjavore për qytetarët që vijnë nga Maqedonia e Veriut dhe Greqia. Krahas kësaj u vendos që gjimnazet mund të nisin dhe mësimin në klasë, pra të futen në skenar të kombinuar.
“Në rajon situata paraqitet ndryshe, fqinjët tanë në MV dhe Greqi janë shtuar numrat e rasteve dhe rasteve të reja ditore dhe jetëve të humbura. Sfida e komitetit tonë në këtë moment është pikërisht përmirësimi i indikatorëve duke parashikuar faktorët që mund të ndikojnë në rritjen e tyre dhe të propozojmë masat në vijim.
Mosrespektimi në tubimet elektorale mund të jetë faktor që ndikon në rritjen e numrave. Po ashtu afrimi i ditës së Pashkëve është shoqëruar me lëvizje të qytetarëve nga vendet fqinje. Duke pasur parasysh dhe situatën tonë lokale, ku vendin e parë siç e tha dhe profesoresh Fico e nxë Gjirokastra dhe Korça, mendojmë që duke nisur nga dita e nesërme të vendoset qëndrimi në karantinë 2 javore për personat që vijnë nga MV dhe GReqia deri më 3 maj dhe do ta rivlerësojmë në varësi të dinamikës së situatës.
Gjimnazet në mësim online mund të nisin edhe mësimin në klasë, pra të futen në skenarin e kombinuar”, tha Mira Rakacolli.