Në Bibione të Italisë, mëngjesin e kësaj të hëne janë përfshinë 3 shqiptarë në një konfilikt ku nuk munguan as armët, e ku një prej tyre mësohet se është në gjendje të rëndë për jetën.
Ngjarja ndodhi rreth orës 07:00. Sipas të dhënave të para, mësohet se një shqiptar rreth 55-vjeç trokiti në derën e një tjetër bashkëkombësi. 55-vjeçari nxori pistoletën dhe qëlloi 3 herë në drejtim të personit në fjalë, i cili ishte në shoqërinë e një tjetër shqiptari.
Me të mbërritur në vendin e ngjarjes autoritetet ndaluan dy prej shqiptarëve, ndërsa i plagosuri është dërguar me urgjencë në spital në gjendje të rëndë për jetën. Tre shqiptarët punojnë si kopshtarë në një ndërmarrje një Bibione dhe dyshohet se kishin konflikte për çështje parash.