Lufta mes Ukrainës dhe Rusisë vazhdon duke shënuar sot ditën e 20-të të saj, ndërsa të dy vendet kanë zhvilluar pothuajse çdo ditë takime mes tyre për të provuar të arrijnë një marrëveshje në tavolinë dhe të dorëzojnë njëherë e përgjithmonë armët e tyre.
Sipas të dhënave të Organizatës së Kombeve të Bashkuara (OKB), që prej datës 14 mars regjistrohen 636 civilë të vrarë nga të cilët 46 janë fëmijë dhe 1125 persona të tjerë janë plagosur , 62 prej tyre të mitur.
Megjithatë, “AS” raporton se si Rusia, ashtu edhe Ukraina duan që t’i japin fund luftës.
Kërkesat e Putinit për Ukrainën:
1-Mos u anëtarësoni në NATO dhe merrni një pozicion neutral.
2-Rusishtja duhet të jetë gjuha e dytë zyrtare e Ukrainës, ligjet që e ndalojnë atë duhet të hiqen.
3-Njohja e Krimesë si territor rus.
4-Të njohë pavarësinë e Republikave Popullore të Donetskut dhe Luhanskut.
5-Çmilitarizimi i Ukrainës dhe braktisja e armëve që mund të jenë një kërcënim për Kremlinin.
6-Ndalimi i partive dhe organizatave ultra-nacionaliste në Ukrainë.