Vrasjet në vend nuk kanë të ndalur. Një 51 vjeçar është vrarë në orët e para të mëngjesit të kësaj të marte me armë zjarri në fshatin Shelqet të Vaut të Dejës. Viktima Agron Metushi u qëllua disa herë me automatik kallashnikov nga Alfons Palushani 37 vjeç.
Konflikti nisi në lokalin e fshatit dhe menjëherë Palushani ka shkuar në banesë ka marrë armën e zjarrit kallashnikov dhe në momentin që Metushi ka hipur në automjetin e tij për tu larguar, ai e ka qëlluar me armë zjarri.
Grupi hetimor nën drejtimin e Prokurorisë, vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje.