Sipas asaj që shkruan “The Guardian”, konfirmohet se që prej fillimit të luftës me Rusinë më 24 shkurt të këtij viti, mbi 2 milion shtetas ukrainas kanë braktisur tashmë vendin tyre. Një njoftim i Agjencisë së Organizatës së Kombeve të Bashkuara për Refugjatët sqaroi se ukrainasit janë dyndur kryesisht drejt vendeve të Europës qendrore.
Polonia, e cila ka komunitetin më të madh ukrainas në rajon ka pranuar më shumë se 1. 2 milion refugjatë ukrainas që nga fillimi i konfliktit. Vetëm të hënën, 141,500 njerëz kaluan kufirin. Rreth 90% e njerëzve që po largohen janë shtetas ukrainas, kryesisht gra dhe fëmijë.
Mijëra polakë po strehojnë refugjatë në shtëpitë e tyre. Ndërkohë sot parlamenti i Polonisë do të disktutojë legjislacionin për të kompensuar personat të cilët po strehojnë refugjatë. Legjislacioni do të lejojë gjithashtu ukrainasit të jetojnë dhe punojnë në Poloni për 18 muaj.