Konkurrenti i ‘Përputhen 3’, Bruno Shemsho duket se do të përballet me një situatë të pakëndshme.
“Kryefjala” ka zbuluar se Bruno kishte firmosur kontratën për të qenë pjesë e emisionit “Love Story”, të prezantuar nga moderatorja Alketa Vejsiu.
Sipas medias në fjalë, ai e ka thyer kontratën duke u bërë pjesë e “Përputhen”. Autorja e “Love Story”, Vera Grabocka thuhet se e ka hedhur në gjyq konkurrentin.
Siç dihet, mosrespektimi i një kontrate të tillë të firmosur nga vetë personi, rëndon në penalitete ligjore.