Policia Rrugore e Tiranës ka monitoruar trafikun në dy karrexhatat e rrugës Tiranë-Durrës dhe anasjelltas. Gjatë kontrolleve janë evidentuar drejtues mjetesh më shpejtësi jashtë normave të lejuara.
Në bilancin e publikuar pas disa orësh në kontroll, bëhet me dije se janë pezulluar 12 leje drejtimi për shpejtësi duke filluar nga 129 km/h deri në 152 km/h dhe janë vendosur 18 masa administrative, që varionin nga 6.000 deri ne 12.000 lek të rinj për shpejtësi jo më shumë se 30 km/h mbi kufirin e lejuar.
Gjithashtu Policia Rrugore apelon për të gjithë shoferët që të tregohen të kujdesshëm për të shmangur tragjeditë nga pakujdesia.