Pasojat e koronavirusit janë të rënda jo vetëm në njerëz por dhe në ekonominë botërore, me sektorin e teknologjisë që rrezikon të jetë ndër më të prekurit.

Kompani të ndryshme kineze në fakt janë detyruar të ndërpresin aktivitetin e tyre duke lënë në shtëpi mijëra punonjës dhe duke ngadalësuar furnzimin e kompanive gjigante të teknologjisë, me Apple në krye.

Ndërkohë që një seri psikozash për ngjitjen e virusit po vë në rrezik edhe Kongresin Botëror të Celularëve në Barcelonë, panairi më i madh i telefonëve që parashikohet në fund të shkurtit.

Foxconn është një ndër kompanitë kineze më të prekura, prej të cilit varet prodhimi i iPhone por dhe pajiseve të kompanive të tjera si Motorola, Nintendo, Microsoft, Sony, Xiaomi etj.

Ndërkohë, Samsung ka marrë masa sigurie për prezantimin e saj më 11 shkurt në San Francisco për smartphone-ët e tij të rinj. Në një email dërguar pjesëmarrësve, kompania koreanojugore thotë se parashikon të bëjë dezinfektime për duart dhe kontroll të temperaturës së trupit.

PËRGJIGJU

Please enter your comment!
Please enter your name here