Të gjitha pikat e UKT-së dhe arkat do të jenë të mbyllura deri në një njoftim.
Ky vendim është marrë pas përhapjes së koronavirusit në vendin tonë. Ndërkohë nga ky institucion theksohet se shërbimi do të merret vetëm në Zyrat Qendrore.
Njoftimi:
Ujësjellës Kanalizime Tiranë, njofton të gjithë abonentët se duke filluar nga dita e sotme, datë 12.03.2020, do të mund të marrin shërbim vetëm në Zyrat Qendrore dhe Njësitë UKT. Për të shmangur çdo grumbullim apo kontakt që mund të ekspozojë qytetarët dhe punonjësit me virusin e ri, COVID-19 (Coronavirus) njoftojmë se Pikat UKT dhe arkat do të jenë të mbyllura deri në një njoftim të dytë. Për kryerjen e pagesave të faturave të ujit qytetarët mund të përdorin këto kanale alternative: Aplikacionet Bankare e-Banking Easy Pay Western Union, AK Invest si dhe në Zyra Qendrore të UKT-së ku do të sigurohet shmangia e radhëve dhe respektimi i distancës së lejuar nga autoritetet për në këtë situatë.
NJOFTOJMË të gjithë qytetarët që për defekte apo probleme të tjera që lidhen me Ujësjellës Kanalizime Tiranë mund të marrin në çdo kohë në numrin tonë të gjelbër 0800 44 88, i cili do të jetë aktiv 24 orë, si dhe në platformat tona online: facebook- Ujësjellës Kanalizime Tiranë, [email protected] [email protected] Duke ju falenderuar për mirëkuptimin në përballimin së bashku të kësaj situate. UJËSJELLËS KANALIZIME TIRANË.
Është rënduar bilanci me Covid-19 në Shqipëri, ku numri i të prekurve ka shkuar në 23. Një prej të prekurve, ndërroi jetë dje në Spitalin e Durrësit. Ndërkohë që vatra e të infektuarve është zgjeruar në Tiranë, Rrogozhinë, Elbasan, Durrës, dhe Lushnje. Jeta në vend është paralizuar thuajse totalisht, me ndërprerjen e transportit dhe të punës. E vetmja këshillë e përbashkët e institucioneve është që qytetarët të qendrojnë brenda.