Shqipëria do të ketë shumë shpejt sistemin e ndershëm dhe transparent të drejtësisë që Kushtetuta parashikon, thotë Daniel Koski, zv.ambasadori i SHBA në Tiranë.
“Reforma në Drejtësi vazhdon të ecë përpara, në rrugën e duhur dhe sipas planit. SHBA janë krenare për ndihmën që po u jepet këtyre institucioneve ndërsa ecin përpara. Shqipëria do të ketë shumë shpejt sistemin e ndershëm dhe transparent të drejtësisë që Kushtetuta parashikon”, thotë Koski.
Ai thekson se reforma në drejtësi nuk duhet të ndalojë. Koski ka folur në Konferencën Planifikimi Urban dhe Zhvillimi Ekonomik Vendas. “Qytetarët shqiptarë duhet të ndihen të sigurtë për këtë gjë – reforma në drejtësi nuk do të ndalojë”, ka thënë ai.