Orë të vështira pasi negociatat për Kosovën sipas medieve, po detyrojnë presidentin serb, Aleksandar Vuçiç, që të konsiderojë edhe dorëheqjen. Vuçiç informon sot kabinetin qeveritar lidhur me bisedimet e zhvilluara me delegacionin e zyrtarëve të lartë të SHBA, BE, Francës, Gjermanisë dhe Italisë ditën e premte.
Takimin me ta presidenti serb e përshkroi si një prej më të vështirëve për Serbinë, pasi siç tha, ka të bëjë më atë qe e pret vendin në të ardhmen.
Nga ajo që shkruajnë mediat lokale, Vuçiç kishte reaguar duke thënë se nëse dikush mendon se mund ta drejtojë vendin më mirë se ai, ishte i gatshëm të dorëhiqej dhe kishte braktisur takimin.