Këtë të mërkurë në orën 11:00 nis mbledhja e KQZ-së për shqyrtimin e kërkesave të forcave politike për regjistrim në zgjedhjet e 14 Majit. Sa i përket PD dhe PS pritet që kërkesat e tyre të shqyrtohet në ditët në vijim. Çështja më komplekse aktualisht është tek PD.
PD në KQZ ka dorëzuar dy kërkesa për regjistrim, një kërkesë që mban firmën e Sali Berishës dhe një tjetër që mban firmën e kryetarit të komanduar nga Lulzim Basha, Enkelejd Alibeaj. Kërkesa e dërguar nga Alibeaj është me logon dhe vulën që njihet ligjërisht nga institucionet.
I përket KQZ-së që të marrë vendim se cilën palë do të regjistrojë. Në rendin e ditës në KQZ është një projektvendim për caktimin e numrit të kandidatëve në listat zgjedhore për çdo zonë zgjedhore për subjektet politike.