Sipas asaj që shkruan “skynews”, përfaqësuesit e Ukrainës dhe ata të Rusisë ndodhen aktualisht në Stambolll për të zhvilluar raundin e radhës së bisedimeve në gjetjen e një rruge të përbashkët për vendosjen e paqes.
Disa burime zyrtare të “Finnacial Times”, bëjnë me dije se katër persona të mirë informuar për bisedimet e paqes mes palëve, kanë deklaruar se Kremlini ishte i gatshëm të mos pengojë Kievin të bëhet pjesë e Bashkimit Europian nëse do të heqë dorë nga përpjekjet e tij për t’u bashkuar me NATO-n.
Po ashtu, referuar disa burimeve të brendshme, Rusia është e gatshme të heqë dorë edhe nga “denazifikimi” i Ukrainës si pjesë e negociatave për armëpushim. Një nga burimet pohoi se Rusia po ndryshonte presionin e saj ushtarak dhe kërkesat e saj çdo ditë.
Kujtojmë se tashmë janë zhvilluar disa raunde bisedimesh në kufirin me Bjellorusinë, por akoma nuk është arritur asnjë marrëveshje për një armëpushim të mundshëm.