Kreu i Kadastrës, Artan Lame ka lajmëruar vdekjen e babait të tij.
Në një shkrim në Facebook, sqaron se pavarësisht se të gjithë menduan se do ia dilte, e humbi betejën me sëmundjen dhe shprehet i trishtuar se askush nuk iu gjend dot pranë në momentet e fundit.
“Me trishtim ju bëj me dije se babai, Adili, nuk e fitoi dot betejën me sëmundjen. Të gjithë menduam se do t’ja dilte, por nuk kish qenë e thënë. Iku i qetë, duke na lënë të gjithëve midis trishtimit që nuk ju gjendëm dot pranë në momentet e fundit.Ftoj të gjithë ata që e patën njohur në jetë, ta kujtojnë gjithmonë me humorin e përhershëm dhe dashurinë për jetën”, shkroi Lame.