Policia e Gjirokastrës bën të ditur se ka vënë në pranga një 54-vjeçar i cili ishte shpallur në kërkim pasi kishte kryer marrëdhënie seksuale me një shtetase me aftësi të kufizuara.
NJOFTIM
Tre Urat, Përmet.
Vijon puna për kapjen e personave të shpallur në kërkim.
Shërbimet e Policisë Kufitare Tre Urat mesditën e djeshme, në afërsi të Pikës së Kalimit Kufitar Tre Urat bënë të mundur kapjen e shtetasit B. K., 54 vjeç, banues në Tepelenë.
Shtetasi i mësipërm ishte shpallur në kërkim pasi Gjykata e Shkallës së Parë Gjirokastër ka dërguar urdhërin për ndalimin si i dyshuar, për Veprën Penale ”Marrdhënie seksuale ose homoseksuale me perosna të pazotë për t’u mbrojtur”, parashikuar nga neni 103/1 i Kodit Penal, pasi një vit më parë dyshohet se ky shtetas ka kryer marrëdhënie seksuale me një shtetase me aftësi të kufizuara.
Materialet në ngarkim të shtetasit B. K. i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.