Policia e Shtetit ka dhënë versionin zyrtar lidhur me vrasjen e Diana Vukës nga i vëllai i saj. Sipas Policisë, 58-vjeçarja u gjet e pajetë orët e vona të kësaj të diele në shtëpinë ku banonte, në lagjen “Ndoc Mazi” në Shkodër. Viktima dyshohet se ishte vrarë rreth 3 ditë më parë dhe autori i kësaj ngjarjeje të rëndë është vëllai i saj, Fabian Vuka, 55 vjeç, i cili është prangosur nga Policia.
“Rreth orës 22:30, në lagjen “Ndoc Mazi”, Shkodër, në banese është gjetur e pa shenja jete shtetasja D. V. 58 vjeçe. Nga veprimet e para hetimore dyshohet se është vrarë me armë zjarri nga vellai i saj shtetasi F. V., 55 vjeç, i cili është shoqëruar në ambientet e Komisariatit të Policisë Shkodër për veprime të mëtejshme. Grupi hetimor, nën drejtimin e Prokurorisë po vijon punën për sqarimin e plotë të rrethanave të ngjarjes,“-njoftoi Policia për mediat.