Gjatë një fjalimi të mbajtur në parlamentin gjerman që po zhvillohet online, Presidenti i Ukrainës, Volodymyr Zelenskyy ka bërë kritika të ashpra ndaj liderëve perëndimorë. Ai i është drejtuar atyre se nuk kanë interes për asgjë tjetër por vetëm për ekonominë e tyre.
Zelensky u shpreh se ndërsa forcat ruse po mblidheshin në kufirin ukrainas përpara pushtimit, udhëheqësit perëndimorë vepruan shumë ngadalë dhe nuk bënë aq sa duhej për të penguar Rusinë.
“Gjithçka që ju interesonte ishte ekonomia,” deklaroi Zelensky liderëve perëndimorë.
Po ashtu, Zelensky kritikoi edhe hezitimin për ta lënë Ukrainën të bashkohet me aleancën ushtarake të NATO-s, duke thënë se “nuk ka vend për ne në këtë tryezë. Tani ka një “mur” në Evropë midis lirisë dhe mungesës së lirisë”, mësohet të ketë thënë ai.
Më tej, Zelenskyy i kërkoi Gjermanisë të ndërhyjë me një rol udhëheqës dhe t’i japë fund luftës.