Rebelimi i mercenarëve të “Wagnerit”, sipas kritikut opozitar rus, Mikhail Khodorkovsky, ishte shenjë që paralajmëron fundin e “mbretërimit të presidentit Vladimir Putin”.
Ai shkroi në Twitter se rebelimi i shefit të mercenarëve privatë, Yevgeny Prigozhin, i tregoi Perëndimit një skenar të mundshëm për ndryshimin e regjimit në Rusi dhe se forcat politike mund të pushtojnë Kremlinin.
“Përpjekja për grusht shtet ushtarak të shefit të ‘Wagner’, Yevgeny Prigozhin, ishte një nga ngjarjet më serioze politike që ka ndodhur në Rusi në 20 vjetët e fundit…Për herë të dytë qëkur Putini mori pushtetin, Rusia pati një situatë revolucionare. E para ishte protesta masive kundër rezultateve të zgjedhjeve në 2011-2012. Opozita demokratike tani për të dytën herë nuk e shfrytëzoi situatën, sepse po përgatitej për skenarë të ndryshëm. Lëvizja demokratike duhet të nxjerrë mësim: ndryshimi i regjimit nuk do të vijë nga kutia e votimit”, shkroi Khodorkovsky.
Ai theksoi se Rusia nuk duhet të përgatitet për zgjedhje demokratike, pasi siç tha ai, Prigozhini është bandit po aq sa edhe Putin.