As për muajin nëntor, fasha 800 kWh për orë nuk do të aplikohet për konsumatorët familjarë. Kreu i grupit parlamentar të PS-së, Taulant Balla tha në një dalje për mediat, se qeveria ka vendosur që ta shtyjë fashën edhe për muajin nëntor, njëjtë si për tetorin.
“Shtyrjen edhe për muajin nëntor, edhe pse shi s’ka pasur asnjë pikë, qeveria ka vendosur se për shkak të mirë administrimit dhe ndërgjegjes së qytetarëve shqiptarë që kanë dhënë efektet e para të uljes së shpenzimet të energjisë.
Jemi ndër vendet e vetme, ku qeveria vazhdon të subvencionojë 80% të faturës. Nuk është e vërtetë. Është një opsion, por qeveria ka njoftuar në kohë Entin Rregullator se nuk do aplikohet”, tha Balla.