Sfida e sotme mes Kroacisë dhe Spanjës pritet të jetë një nga më interesantet e kësaj faze me eliminim direkt, pasi të dy skuadrat duan të tregojnë se e meritojnë një vend në çerekfinale e ndoshta më shumë. Kroacia vjen me petkun e nënkampiones së Botës, ndërsa Spanja si një ekip i cili do të kthehet përsëri në majat më të larta, ku kishte mësuar deri pak vite më parë.
Te Kroacia, shqetësimi më i madh i trajnerit Daliç ishte të gjente një zëvendësues për Perishiç, të infektuar me COVID-19. Në formacion shihet përsëri Petkoviç, ndërsa në majë të sulmit do të jetë Rebiç ai nga i cili priten golat.
Sa i përket Spanjës, Luis Enrike ka bërë dy lëvizje, duke aktivizuar Ferran Torres nga minuta e parë ashtu si edhe Gaja, për të lënë jashtë Dani Olmo e Zhordi Alba. Ndërkaq, në sulm i besohet përsëri Alvaro Moratas, me shpresën që ai të jetë më i saktë para portës kundërshtare.
Kroacia: Livakoviç, Juranoviç, Vida, Çaleta-Car, Brozoviç, Kovaçiç, Modriç; Petkoviç, Vlashiç, Guardiol, Rebiç.
Trajner: Z. Daliç
Spanja: Unai Simon, Azpilikueta, Erik Garsía, Laporte, Gaja; Buskets, Koke, Pedri; Sarabia, F. Torres, Morata.
Trajner: L. Enrike