Pas anulimit të vizitës së ministrit të Punëve të Jashtme të Rusisë, Sergey Lavrov, në Beograd, kryeministri i Kroacisë, Andrej Plenkoviç këshillon Serbinë që të tregohet e kujdesshme dhe ta bëjë të qartë qëndrimin e saj, nëse ka ambicie për t’u anëtarësuar në Bashkimin Evropian.
“Nuk është koha për ulje në dy karrige. Serbia duhet të përcaktohet në rast se ka ambicie për BE”, ka thënë Plenkoviç, raportojnë mediat kroate e serbe të hënën.
Lavrov ishte planifikuar të vizitonte Beogradin më 7 qershor, por vizita e tij u anulua, pasi shtetet si Rumania, Bullgaria, Maqedonia e Veriut dhe Mali i Zi bllokuan hapësirën ajrore për ministrin e Jashtëm rus.
Serbia është ndër vendet e vetme në Evropë që nuk ka pranuar të sanksionojë Rusinë për agresionin në Ukrainë.