Festa olimpike është ngjarja sportive e vitit që mblodhi sot mijëra të rinj e të reja, në stadiumin “Air Albania” në kryeqytet, ku performuan me gjithë talentin dhe energjinë rinore 700 ekipe sportive të shkollave nga e gjithë Shqipëria.
I pranishëm në përurimin e prezantimit të 700 ekipeve sportive nga të gjitha shkollat e vendit ishte dhe Kryetari i Bashkisë së Matit Agron Malaj bashkë me djemtë dhe vajzat e ekipit të Burrelit.
Kryebashkiaku Malaj thekson se këta të rinj dhe të reja do të jenë e ardhmja e sportit elitar në vend. “Shumëkush u çudit mbrëmë kur Brazili u mposht nga Kroacia për Kupen e Botës
Por, ky është treguesi më i qartë sesi edhe shtete me më pak traditë në futboll mund të ecin përpara nëse stërviten si ekip dhe mbi të gjitha me kushte.
Ndaj sot, nuk mund të mos e shpreh optimizmin tim ndërsa u prezantuam me 700 ekipet sportive të ngritura në të gjithë shkollat e vendit që pas miratimit të “Strategjisë Kombëtare të Rinisë”.
Këta të rinj dhe të reja do të jenë e ardhmja e sportit elitar në vend.
Djemtë dhe vajzat e ekipit të Burrelit jeni më të mirët
Punoni dhe stërvituni me disiplinë të fortë dhe asgjë nuk do t’ju ndalë dot”, deklaroi Malaj.