Që në orët e para të mëngjesit kryetari i Bashkisë Mat Agron Malaj ka vijuar punën për parandalimin e përhapjes së koronavirusit në qytetin e Burrelit. Gjatë natës janë dezinfektuar rrugët e qytetit nga ana e firmës së pastrimit, ka përfunduar po ashtu dezinfektimi i çerdheve, kopshteve, shkollave dhe objekteve shtetërore.
Gjatë një takimi që Malaj dhe nënprefekti i Matit patën me drejtuesit e institucioneve kryesore dhanë detyra konkrete, duke e vënë theksin në vlerësimin maksimal të gjendjes.
Malaj nënvizoi se Bashkia Mat në bashkëpunim me Drejtorinë e Shëndetit Publik ka ndërmarrë një fushatë sensibilizuese kundër Covid-19, në amjentet publike, lokale, mjedise të populluara, biznese, etj, duke këshilluar qytetarët të ndjekin me rigorozitet rregullat e higjienës, këshillat e autoriteteve shëndetësore, t’ u referohen informacioneve zyrtare, të shmangin frekuentimin në ambjentet publike, kafenetë sa më shumë të jetë e mundur.
“Unë, tha Malaj, ju lutem bashkëqytetarëve ta vlerësojnë seriozisht situatën dhe të qëndronë në shtëpi derisa gjendje ta përmirësohet. Është shumë e rëndësishme të zbatohen rekomandimet e mjekëve specialistë dhe porositë e autoriteteve vendore.”
Gjithashtu specialistët sensibilizues j’u kujtojnë qytetarëve se është momenti të jemi krahë njëri-tjetrit duke respektuar shëndetin tonë dhe atë publik.
