Kryebashkiaku i Rrogozhinës, Edison Memolla është paraqitur këtë të enjte në SPAK. Ai është marrë në pyetje lidhur me disa emërime në Bashki.
Dyshohet se Memolla kishte bërë punësime fiktive të personave që në fakt ishin jashtë vendit, ndërkohë që paguheshin si punonjës të Bashkisë. Memolla dyshohet se ka punësuar në Bashki persona që ishin jashtë vendit.
Edison Memolla, fitoi marsin e vitit të kaluar garën për të drejtuar Bashkinë e Rrogozhinës. Në zgjedhjet e pjesshme vendore, Memolla mori 5438 vota, duke lënë pas dy rivalët, Ferdinand Saraçi nga PD, me 1966 vota, dhe Hekuran Xhani, nga koalicioni “Shtëpia e Lirisë”, me 1550 vota.