Kryetari i Bashkisë së Matit Agron Malaj deklaron se numri i pakët i qytetarëve të Matit në takimin me Berishën në një sallë të mbyllur është tregues i zhgënjimit të qytetarëve me “non gratën” dhe njerëzit e tij.
Duke e cilësuar Berishën si monisti dhe sigurimsi i fundit i Ballkanit, Malaj thekson se sot në Mat punohet çdo ditë me përkushtim për të ndërtuar një të ardhme sa më të mirë dhe me shpresë për brezin e ri.
“Nongrata ( Monisti dhe sigurimsi i fundit i Ballkanit) foli sot në Mat dhe sot matjanët duhet ta falenderojnë se u tregua i sinqertë. Më në fund e kuptoi që në Mat nuk vidhet më si në kohën kur bashkia qeverisej prej të vetëve. Në Mat sot punohet çdo ditë me përkushtim për të ndërtuar një të ardhme sa më të mirë dhe me shpresë për brezin e ri”, deklaron Malaj.
Kryebashkiaku Malaj nënvizon se qytetarët e Matit e kanë të qartë që kandidatët e zgjedhur nga Berisha janë njëri që ka rrjepur xhepat e matjanëve dhe klosianëve duke shitur vende pune dhe tjetri që ua jepte tenderat shoqnisë së tij duke lënë qytetarët e Macukullit pa ujë, drita.
“Po kush merret me Saliun tani? Deputetët në Tiranë… PD realë në një sallë tjetër
Njerëz të ardhur nga rrethe të tjera mundësojnë të bëhen 100 veta në një sallë të mbyllur.
4 a 5 ish drejtorë hajdutë i janë bashkuar lëvizjes së tij çartiste.
Njëri nga kandidatët ka rrjepur nga xhepat matjanët e klosianët, çdo vend pune është shitur nga ai 2 apo 3 mijë euro.
Tjetrit ia kanë rrëmbyer tenderat shoqnia që i rrin nga pas dhe kanë lënë deri më sot Macukullin pa ujë, pa rrugë, pa asgjë…. Vaj medet ku kanë përfunduar llumi i llumit”, shprehet kreu i Bashkisë së Matit, Agron Malaj.