Në studion e emisionit “Kjo Javë” kryeatarja e LSI Monika Kryemadhi foli për herë të parë për operacionin e vështirë të kryer jashtë vendit.
Kryemadhi zbuloi se vuante nga kanceri në qafën e mitrës, ndërhyrje të cilën mjekët ia kërkuan të kryhej menjëherë.
“Kisha 5 vitë që e mbaja nën vëzhgim. Kalova një proces shumë të vështirë por gjithçka shkoi mirë falë mjekëve që ishin të jashtëzakonshëm. Më kërkuan të bëja një ndërhyrja emergjente pasi ishte e pamunduar të mbahej më nën kontroll dhe mund të kishte komplikime. E bëra jashtë vendit, në një shtet të BE-së sa 1/3 e çmimit në Shqipëri dhe garanci më të madhe. Më vjen zor ta them pasi unë i respektoj shumë mjekët shqiptarë por e bëra në një spital privat dhe nuk kam paguar më shumë se 6500 euro, kur në Shqipëri kushtonte 20 mijë euro,”– tha Kryemadhi.