Kryetarja e LSI-së Monika Kryemadhi është ndalur në Skrapar ku ka prezantuan mjekun Blenard Nonaj si kandidat të kësaj partie në këtë rreth.
Ajo u shpreh se nuk i gjen dot fjalët për të folur për këtë zonë duke thënë se vetë LSI ka lindur në Skrapar jo vetëm si forcë politike por identitet dhe vlerë e njerëzve që nuk pajtohen me të keqen.
“Vetë LSI ka lindur në Skrapar jo po vetëm si forcë politike po identitet dhe vlerë e njerëzve që nuk pajtohen me të keqen. Jemi këtu për të takuar dr. Blenardin. Jam i bindur që do të jetë deputet i Skraparit po dhe qarkut të Beratit bashkë me Arditin”, tha Kryemadhi
Teksa fliste për mundësitë e zhvillimit të turizmit në Skrapar, me kanionet dhe malin e Tomorrit, Kryemadhi ha se është e nderuar që është nuse në Skrapar dhe fëmijët e saj janë nga Skrapari. “Mua nuk më ka dalë keq”, u shpreh ajo.