Kryetarja e LSI Monika Kryemadhi deklaroi pak minuta më parë në emisionin ‘Kjo javë’ me Nisida Tufën, se synimi i LSI-së nuk është largimi i kryeministrit Edi Rama.
Ndonëse deri më tani Kryemadhi ka thënë se largimi i Ramës është kusht i panegociueshëm, sot kryetarja e LSI deklaroi nuk është largimi i tij, por shembja e tranzicionit dhe e sistemit politik.
‘Edi Rama është një dhe beteja nuk është për të hequr Edi Ramën, është për të shembur tranzicionin. Mos harrojmë se këtë rrugë ne e kemi nisur para Kroacisë për të hyrë në BE dhe tani Kroacia vendos për ne. Ne kemi qenë të parët nga vendet ish-komuniste që donim të hynim në BE dhe jemi të fundit.
Për mua unë e kam thënë dhe e them gjithmonë, ne nuk kemi frikë nga Edi Rama për të shkuar në zgjedhje, debati politik nuk është Edi Rama, debati politik është sistemi’, tha Kryemadhi.