Kreu i Partisë Socialiste Edi Rama ka mbledhur para pak në selinë e partisë rozë krerët politik të kësaj force politike në 12 qarqet e vendit.
Burime nga selia rozë bëjnë me dije se me ta do të flitet lidhur me Asamblenë Kombëtare që do të zhvillohet ditën e premte te Amfiteatri I Tiranës, ku do të diskutohet angazhimi politik I strukturave në zgjedhje.
Më herët Rama vetë ka deklaruar se edhe ai është I pakënaqur me punët brenda partisë dhe koston e qeverisë, por nuk bëhet e ditur nëse në mendjen e shefit të qeverisë janë ndryshimet në kabinet, të përfolura gjerësisht ditët e fundit.
Ajo që dihet me siguri është se pas miratimit të Kodit të ri zgjedhor, Rama ka ndezur motorrët e fushatës elektorale, duke qenë pak më pas në kohë nga PD që prej javësh ka filluar procesin e përzgjedhjes së deputetëve nëpër qarqe në bazë të votimit të vetë demokratëve.