Kryeministri Edi Rama ka ndarë mëngjesin e sotëm një mesazh në rrjetet sociale, shoqëruar me një videokartolinë nga Festivali Ndërkombëtar “Bread & Heart”, i cili po zhvillohet në Tiranë për të dytin vit radhazi.
Në postimin e tij, Rama thekson se eventi ka bashkuar në kryeqytet yje dhe talente të arkitekturës nga Shqipëria dhe mbarë bota, duke mirëpritur dje mbi 600 profesionistë të huaj dhe disa qindra pjesëmarrës vendas.
“MIRËMËNGJES 😊 dhe me këtë videokartolinë krenarie të Festivalit Ndërkombëtar Bread & Heart, që ka bashkuar në Tiranë për të dytin vit yje e talente të arkitekturës botërore dhe lokale, dhe dje mirëpriti mbi 600 profesionistë të huaj nga mbarë bota dhe disa qindra vendas, ju uroj një ditë të mbarë”, shkruan Rama.