Kryeministrja e Finlandës, Sanna Marin nuk harron kurrë që krah postit, të shijojë jetën si të ishte një qytetare, edhe pse me pasoja. Por asaj i ka ardhur radha të përballet me reagimet në rritje, pas një video që po qarkullon në rrjet prej të mërkurës, ku shfaqet duke kërcyer e duke pirë alkool në një festë private me miqtë.
Disa e kanë konsideruar sjelljen e kryeministres 36-vjeçare si të pahijshme për një udhëheqëse shteti, në një kohën kur Finlanda po përballet me çmimet në rritje dhe krizë të energjisë elektrike.
Sanna Marin është kritikuar edhe një herë tjetër pasi ka kaluar gjithë natën duke festuar në kohën e masave anti-COVID, gjë për të cilën Marin ka kërkuar falje.
Për videon që qarkulloi të mërkurën, mediat vendase raportojnë se nuk është konfirmuar ende koha dhe vendi ku është regjistruar, pavarësisht se vetëm tani është bërë virale në Finlandë.
Lexo edhe: Reagon kryeministrja e Finlandës për pjesëmarrjen në festën e shfrenuar