Dyshime se zjarret në pyje kanë qenë të qëllimshme kanë ekzistuar vazhdimisht. Por kanë munguar provat dhe faktet për një gjë të tillë. Eshtë kryetari i fshatit Urxallë, Abdi Toci, njësia administrative Derjan, në Bashkinë e Matit, i cili nëpërmjet një deklarate, të firmosur dhe vulosur nga ai, thuhet se zjarret në pyjet e kësaj zone kanë qenë të qëllimshme.
“Si kryetar i fshatit deklaroj se zjarri është vënë me qëllim. Në pyjet me gështenja, në vendin e quajtur Kodras, është djegur një sipërfaqe e madhe. Vetëm brenda 6-7 viteve këto pyje janë djegur tri herë, duke shkaktuar një dëm shumë të madh. Aktualisht një kilogram gështenja kushtojnë dy dollar dhe dëmi për ne është shumë serioz”, u shpreh Toci për tirananews.al.
Ai shtoi se ka kontaktuar me zyrtarë të Policisë së Matit dhe i ka vënë në dispozicion një kopje të deklaratës së tij ku shprehet se zjarret në pyjet e begata të Urxallës e Dukagjinit janë vënë qëllimisht nga persona që kanë lidhje me tenderat e pastrimit të pyjeve ose punonjësit e Bashkisë Mat që përfitojnë dieta e shpërblime për të shuar zjarret në pyje. Shqetësimi vjen në rritje kur konstaton se janë djegur mijëra pemë të reja gështenjas në masivin Urxallë-Dukagjin-Prell-Derjan.
Kryetari i këtij fshati thotë se Policia dhe Prokuroria nuk duhet të heshtin përballë situatës së krijuar në pyjet e Matit, ndryshe rastet do të vijnë duke u shtuar. Denoncimi ne media i Tocit vjen pas heshtjes se Policise lokale. /tirananews.al/