Erion Veliaj do të drejtojë Partinë Socialiste të Tiranës dhe për katër vitet e ardhshme. Kryebashkiaku Veliaj ka marrë besimin e Kryesisë së Partisë Socialiste pasditen e kësaj të premteje për të drejtuar socialistët e kryeqytetit.
Kujtojmë se në zgjedhjet parlamentare të një viti më parë, PS arriti të sigurojë fitore edhe në ato që konsideroheshin si bastione të së djathtës, duke marrë 18 mandate në qarkun e Tiranës.
Veliaj e rikonfirmoi këtë rezultat dhe në zgjedhjet e pjesshme vendore të 6 marsi, ku si drejtues politik i qarkut, udhëhoqi socialistët drejt fitores në Vorë dhe në Rrogozhinë.