Një ndërhyrje tepër e rrallë kirurgjikale në zemër, e cila kryhet për herë të parë në vendin tonë, është realizuar me sukses nga doktor Selman Dumani, kardiokirurg.
Operacioni i rrallë është kryer në Qendrën Spitalore Universitare ‘Nënë Tereza’ në kryeqytet, ku në zemrën e një pacienti, është vendosur një protezë pa qepje, ndërhyrje kjo që kryhet për herë të parë në Shqipëri nga dr.Selman Dumani dhe ekipi i QSUT! Operacioni doli me sukses të plotë dhe pacienti Rasim Bracaj, 77 vjeç është në gjendje të mirë shëndetësore!
