Pesë shqiptarë, anëtarë të një bande të trafikut të kanabisit janë arrestuar në Selanik.
Të arrestuarit janë të moshave 40, 26, 31, 27 dhe 35 vjeç, të cilëve u janë sekuestrua mbi 37.5 kilogramë lëndë narkotike dhe 37 bimë.
Anëtarët e organizatës ishin bashkuar me qëllim rritjen e fidanëve të kanabisit, kryesisht në zona të paarritshme të vendit, vjeljen, përpunimin e më pas transportin dhe shpërndarjen brenda territorit grek dhe kryesisht në zonën e Selanikut.
Një prej të arrestuarve, ka goditur policët në momentin e ndalimit, ndërsa ka tentuar të ikë, por pa sukses.