Prokurorët rusë po planifikojnë zgjatjen e dënimit të liderit të opozitës, Alexei Navalny edhe për 13 vite të tjera.
Kundërshtari i presidentit aktual Vladimir Putin aktualisht po vuan dënimin prej 2 vite e gjysmë, pasi mbi të rëndojnë një seri akuzash “të rreme” siç i konsideron vetë Navalny.
Prokurorët e gjykatës ruse thanë të martën se donin që 45-vjeçari të përballej me 13 vjet burg për “mashtrim dhe shpërfillje të akuzave gjyqësore” , sipas agjencisë së lajmeve TASS.
Navalny u arrestua për herë të parë në aeroportin Sheremetyevo të Moskës më 17 janar 2021, pasi u kthye nga Gjermania, ku kishte marrë trajtim pasi u helmua.