Drejtori i Drejtorisë Rajonale të Kufirit të Gjirokastrës, Arben Joco ka bërë me dije në një deklaratë për shtyp nga Kakavija se kuota prej 750 personash për të kaluar nga pika kufitare është drejt limitit.
Ai thotë se deri tani kanë kaluar rreth 700 persona, teksa pritet një njoftim pozitiv nga pala greke.
Sipas Jocos, ndryshe nga Kapshtica shpreson që në Kakavijë të vijojë puna me një përgjigje pozitive nga pala greke.
“Po vijojmë normalisht. Presim njoftimin nga pala greke. Dhe jemi gati të përballojmë fluksin. Nuk kemi njoftim për mbyllje. Presim një përgjigjie pozitive.
Nga dita e nesërme s’lejohet asnjë shtetas shqiptar rezident në Greqi pa test Covid negative. Deri tani jemi në limitet, rreth 700-ës. Presim konfirmim pozitiv nga palat greke për vijim të punës.”- tha Joco.