Ministrja e Arsimit Besa Shahini i është përgjigjur pyetjeve të nxënësve online. Një prej tyre është dhe se kur do të fillojë shkolla dhe ministrja dha këtë përgjigje.
“Planet tona më 23 mars ka parashikuar që mbyllja e shkollave në një afat dy javor ëshë e nevojshme dhe e mjaftueshme. Nëse ndryshon ju njoftojmë në kohë”, tha ministrja.
Disa nga shkollat janë dezinfektuar ndërsa të tjera javën e ardhshme ndërkohë që bashkive u është dërguar edhe një letër ku u kërkohet të bëjnë dezinfektimin.
Përsa i përket mësimit online ajo tha se mirë është të përsëriten mësime që janë bërë por dhe mësimet e reja dhe kur të kthehen në shkollë të bëjnë një ripërsëritje e tyre duke nënkuptuar se këto ditë nuk do të zëvendësohen.