Policia e Kurbinit ka arrestuar një person, pas marrjes së denoncimit për një shtetas që lëvizte i armatosur me armë zjarri në Milot, duke krijuar panik te banorët.
Në pranga përfundoi K. M. për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Ky shtetas u kap në flagrancë në rrugicën e lagjes ku banonte, teksa mbante me vete, një armë zjarri kallashnikov me krehër me 24 fishekë në të. Sapo ka parë punonjësit e Policisë, autori e ka hedhur armën, me qëllim fshehjen e saj. Ndërhyrja e shërbimeve të Policisë bëri të mundur gjetjen dhe sekuestrimin në cilësinë e provës materiale, të armës së zjarrit kallashnikov dhe municionit luftarak.