Stresi prej ditësh ndodhet larg Shqipërisë, pasi është arratisur që nga momenti që policie shpalli në kërkim pas protestave për vrasjen e Klodian Rashës. Siç duket ky moment e ka bërë reperin të reflektojë në lidhje me gjithë miqtë që i kanë qëndruar pranë dhe që nuk i janë kthyer kurrë kundra.
“Kur bëhet fjalë për shoqëri kurrë se bëra gabimin i pari e prita gabimet e të gjithëve ju dhashë gjithçka nga jeta ime deri në detaj. Besnikëri, pastërti… nuk u mora kurrë me fjalë as çfarë dëgjova kurrë nuk e transmetova këto janë gjëra serioze kur rri në rreth shoqëror… more dhashë nënë e babë për ta në kuptimin që edhe familjen e kam përfshirë me ndihmu shokët, prapë do t’i ndihmoj nuk ndryshoj. Por ato që më dolën kundra pasi ju dhashë gjitha këto, këtyre njerëzve ua kam lënë të madhin Zot, sepse besoj çmendurisht te ai dhe e di ndëshkimin e tij”, ka shkruar reperi.
Personi i parë që ka reaguar menjëherë pas këtyre fjalëve të tij është e ëma. Si gjithmonë ajo i ka dalë në krahë dhe e ka këshilluar reperin që të mos mërzitet me askënd, sepse rrugët ndahen vetë një ditë me të gjithë keqdashësit.
” Njerëzit e vërtetë nuk kanë shumë miq. E ti je një prej të vërtetëve! Kurrë mos je pishman për të gjithë ndihmën dashurinë e respektin që ke dhënë. Allahu është shpërblyes i madh. Kush të shan e të fyen thuaj vetëm Selam. Kurrë mos e prish zemrën përkundrazi forcoje. Rrugët ndahen vetë me keqdashësit. Zoti qofte pranë teje çdo minutë”, i shkruan e ëma reperit.
“Nëna ime është njeriu më i mirë që njoh”, ka shkruar Stresi pas fjalëve të saj.